من majd Adi
(دجاج ولحم )
منسلق الدجاج مع بصلة جوانح ورشة ملح وفلفل وبهار وسماق وشوي زيت زيتون .. بعدها منحمرو بالفرن شي بسيط بعد ما منرجع منرشه بالسماق
منكون مدبلين بصل بكمية كبيرة بزيت زيتون وسماق ..
مندهن صينية زيت زيتون ومنصف خبز التنور الي بجي سميك شوي ومنحط من مرق الجاج عكل رغيف شوي ومنحط البصل ومنرجع منرش سماق ..مندخلها الفرن تاخد تحميرة بسيطة .. منصف جاج عالوجه واللوز المحمص ورشة السماق الاخيرة ..
هو اصولو بالدجاج فقط بس انا اضفت شي وطلع جدا طيب ..سلقت مع جاج لحمة شقف لان ولادي بحبوها وطعمها طلع رائع ..
اساس،الاكلة زيت زيتون وسماق وبصل ..جربوها ورح تحبوها كتير
