من ام مهدي
بنجهز كيك سبونج وهي بنخفق ٦ بياض بيض مع رشة ملح لحتي يتكاثفو وبنضيف عليهم كوب سكر ونستمر بالخفق لحتي يصير ابيض وكثيف متل المارينج
وفي صحن تاني بنخفق الصفار ٦ صفار البيض مع معلقة فانيلا ونضيف نص كوب سكر وبنخفقهم منيح لحتي يفتح لونهم وبنضيف عليهم كوب ونص طحين ومعلقة كبيرة بيكنج باودر ومعلقة كبيرة وربع معلقة ماء ونخفق وبنضيف الخليط علي بياض البيض وبنحركهم بخفة بدون ما نخلي البياض يهبط
ونضعهم بصينية مجوفة ويفضل قالب الخاص بالباربي عليها زيت وطحين وتخبز بالفرن حامي من ٤٠ ل ٤٥ دقيقة لحتي تستوي
بس تبرد بندهنها بكريمة الزبدة وهي كوب زبدة حلويات زبدة نباتيه كريسكو و٢ كوب سكر بودرة منخول اكتر من مرة و٥ معالق ماء وازا بنحب بنلونها بس ندهن الكيكة بالكريما مسحة خفيفة بنحط عليها عجينة الفوندان(عجينة السكر) وبنشكلها وبنزينها حسب الرغب
لما نفرد عجينة السكر لازم نرش نشا ونفرد
طريقة عجينة السكر:بندوب بحمام مائي ٤٥٠ غرام مارشميلو ابيض حجم صغير وبنضيف نص كوب زبدة نباتيه وبنحركهم لحتي يدوبو بعدها بنقيمهم عن البخار وبنضيف سكر بودرة منخل اكتر من مرة حوالي ٨ كوب
اول شي بنضيف ٥ كوب و٥ معالق ماءوكل ما نحسها بتلزء بضيف بالتدريج سكر
يفضل تجهيزها قبل بيوم وازا بنحب بنصبغها ولازم نغطيها بنايلون لانها بتنشف
