من Ghada Jabakji
كيلوا طحين
ملعقتين خميرة كبار
ملعقة صغيرة بيكنغ باودر
ربع ملعقة محلب ونصف ملعقة ينسون مطحون
نصف قالب زبدة 113 غرام
10 ملاعق سكر كبار مطحون بكون احسن
كاس حليب فاتر
وتقريبا كاسة ماء فاتر للعجن
الطريقة
اولا حطي الحليب الفاتر مع الخميرة مع نصف كمية السكر
واتركيهم يتفاعلو راح تلاحظي انه تضاعف حجمها
ثانيا افركي الطحين والبيكنغ باودر والسكر مع الزبدة المذابةفرك وخلخليه باصابعك
وبعدا حطي المحلب واليانسون والحليب مع الخميرة وكمان فركيهم مع الطحين شوي ومن ثم حطي ماء فاتر واعجني بايدك بياخد تقريبا كاس ماء فاتر المهم تطلع العجينة متماسكة وماتلصق باليد خليها طرية وغطيها ليتضاعف حجمها شي ثلاث ساعات وبعدا شكليها دائرة واحشيها بخليط جوز الهند وسكريها واكبسي ع الدائرة شوي وحطيا بصينية بشكل متباعد عن بعض ادهني الوجه بشوية حليب مخلوط معو نقطة سكر وحطي سمسم واتركي الوائر ليتخمروا شي نصف ساعة وبعدا حطيهم بالفرن وعند الانتهاء ادهني الوجه قطر
خليط جوز الهند هو ...اقل من كاسة جوز الهند وملعقتين كبار سكر مطحون وتلات ملاعق كبار ماء زهر وزبيب حسب طلبك ...مابصير بلا المازهربعدا مابطلعوا متل شمسين ...وصحة وهنا سلفا
