من زهرة البنفسج
كيكة البرتقال والزبيب بصوص التوفي
الطريقة طبعا الكيكة المعتمدة عندي :3بيضات عليهم 3فانيلا وبشر ليمونة بخفقهم بالمضرب اليدوي وبعدين بضيف كوب سكر و3ارباع كوب زيت او سمنة بعدين كوبين طحين او 3حسب حجم القالب انا استعملت هالمرة 2 ومعهم 3باكو باكنج باودر طبعا بنخلهم مع بعض بعدين بشر 3برتقالات ونص كوب زبيب او اكتر حسب الرغبه او بدون اذا ما بتحبيه وبعدين بضيف عليهم عصير برتقال طبيعي تقريبا كوب كبير وبعدين صبيها بقالب مدهون سمنة ورشة طحين ولما تستوي طلعيها اتركيها تبرد شوي واقلبيها بعدين اعملي التوفي
التوفي طريقته كوب سكر وربع كوب مي حطيهم بطنجرة عالنار لحد ما يتكرمل السكر وياخد لون ذهبي ضيفي معلقتين زبدة بتكوني محضرة علبة قشطة بوك بتحطيها بمي سخنة او بصحن بالميكرويف ثواني عشان تذوب شوي وحركيها بدون ما يكون فيها كتل وصبيها فوق الكرميل الساخن بسرعة وحركي بسرعة وصبيه فوق الكيكة قبل ما يثقل ويتماسك وصحتين
