مقدمة من ام محمد
هاي الكيكه
بتشبه قدره قادر بس انا عملتها بقالب التشيز كيك وضفت عليها إضافات من عندي .... طعمها طيب كثير بنصحكم تجربوها
الطريقه ؛؛؛
الخطوه الاولى : عملت كيكه أساسيه وضفتلها ملعقتين ( كاكاو ، نسكافيه ) علشان يتغير لونها
دهنت قالب تشيز كيك بزيت أر ضفيت خليط الكيك وخبزته بالفرن على حراره متوسطه ... وتركت الكيكه تبرد
الخطوه الثانيه : عملت باكتين ( كريم كرميل ) ضفتلهم لتر حليب سائل وخلطتهم منيح وغليتهم على النار .. وبس بردو شوي ضفتهم على فوق الكيكه .... دخلت الكيكه في الثلاجه تقريباً ساعتين لحتى يجمد الكريم كرميل .....
الخطوه الثالثه : عملت صلصه كراميل ( ثلاث ملاعق سكر وملعقتين ماء ذوبتهم على النار وتركتهم يتكرملو لحتى تغير لونهم ضفتلهم علبه قشطه وملعقتين نسكافيه وظليت احرك فيهم لحتى جمدو ،،، وضفتهم على فوق الطبقه الثانيه للكيكه ...
الخطوه الرابعة : زينت الكيكه ( بالنوتيلا ) سايحتها وعملت فيها خطوط بهاد الشكل ..... ورجعتها على الثلاجه تتماسك ..
كل ما كانت بارده كل ما كان الطعم أطيب
