الطريقه
١كاس سميد ،١كاس زيت،١كاس لبن ،نص كاس سكر ،٣بيضات ،معلقة بيكنغ باودر ومعلقة فانيلا خلطيهم كلهم مع بعض وحطي نصف الخليط في صينيه مدهونه بزيت ودخليها الفرن بهاي الفتره بنحظر القشطه :٢كاس حليب ،٣معالق نشا،معلقة ونص طحين ،٤معالق سكر ضلك حركيهم على الغاز حتى يشتدو وضيفي باخر شوية ماء الزهر وخلطيهم كويس
بس تستوي البسبوسة طلعيها وضيفي فوقها القشطه وارجعي دخليها بالفرن شي ٣دقايق تنشف وجه القشطه (بهاي المرحلة والي بعدها بكون الفرن مشغل بس من فوق على الشوايه وصينية الفرن السودا بنحطها تحت الشوايه مباشره كحاجز عن الحراره )
بس تنشف وجه القشطه بنخرجها من الفرن وبنضيف الخليط المتبقي من البسبوسه وبرجع بدخلها الفرن وبس تستوي بشيل الصينيه السودا وبحمر شوي وجهها وبطلعها من الفرن وبشربها بنص كاسة قطر بارد ويرش جوز الهند ويتركها لحتى تبرد تماماً وبعدها بقطعها
ملاحظه : خليط البسبوسه بكون كثير رخو وخليط القشطه بكون شديد يعني مابزبط تحطيهم مره وحده وبعدها تدخليها بالفرن ،،
وصحتين وعافيه
