نخفق ٣ بيضات مع رشة فانيليا لحتى يصير لون البيض فاتح منضيف ٣/٤ الكوب سكر
ومنخفق منيح بعدين منضيف ٣/٤ كوب زيت وكوب حليب مبخر وازا ما نوجد منضيف حليب عادي وبوعاء تاني منضيف كوب ونصف طحين منخول مع معلقة كبيرة بكينج باودر
رشة ملح ومنضيفهن تدريجيا فوق السوائل.
مندهن قالب الكيك بالزبدة والطحين ومنضيف نصف خليط الكيك بعدين خليط القرفة وهو عبارة عن معلقة ونصف كبيرة قرفة مع معلقة ونصف كبيرة سكر ومعلقة صغيرة كاكاو
وبعدها منضيف فوق خليط القرفة باقي خليط الكيك وبالفرن على الرف الشبكي بالوسط على درجة حرارة ١٨٠ درجة لمدة تقريبا من ٣٠ دقيقة الى ٣٥ بعدين منطفي ومنشعل من فوق لتزهر الكيكة بعدين منقلبها وبس تبرد منضيف عليها الصوص وهو عبارة عن
علبة قشطة نصف علبة حليب مكثف محلى و٢ حبة كيري ومنرش جوز مبشور. والف صحة.
