من ام بلال
كيكة جبنة.
كيكه المانيه مشهوره كتير وطيبه جدا.....
الطريقه.
500غرام جبنه كريمي متل فيلادلفيا
250غرام لبن رايب جامد قليلا
4بيض
تلات ارباع الكوب سكر
كوب حليب 250 مل
2ملعقه نشاء او بودنج كستر
برش وعصير نصف ليمونه
فانيلا ملعقه صغيره ويفضل سائل
نفصل البياض عن الصفار.
البياض نضيف له ربع كمية السكر ونخفقه لحتي يتكاثف ويصبح متل التلج.
نخفق الصفار والفانيلا وعصير الليمون وبرش الليمون والسكر لحتي يفتح اللون ونضيف النشاء او الكستر والحليب واللبن والجبنه الكريمي وبس يختلط كويس بنوقف .
بخفاقه يدويه بنضيف البياض علي 3 مراحل وبنحرك من فوق لتحت لحتي يختفي البياض.
بقالب مدهون سمنه خفيف ورشة طحين بنسكب الكريمه وبنخبط القالب خبط خفيف لحتي يتساوى سطح الكريمه وبنخبزها بحراره 160 لمدة 70 دقيقه وبس تشقر خفييييييف بنطفي الفرن وبنخليها بالداخل ربع ساعه بتنفش كتير وبترجع تهبط عادي وبس تبرد بنعمل لها زينه اي شي بتحبوه.
عملت 2 كوب حليب ملعقتين سكر وملعقتين كاكاو وملعقتين نشاء ولما جمد سكبته فوق الكيكه ودخلته التلاجه علي الاقل 5ساعات وزينتها بفواكه صغيره ورشه فستق حلبي طيبه جدا .
