معجوقة:
كاسة سميد
قشطة بيتية
فستق حلبي للتزيين
نصف كاسة سكر
كاسة ونصف حليب
50غ سمنة
ملعقة ماء زهر او حسب الرغبة
كمشة موزاريلا
الطريقة :
بطنجرة على النار منضيف سمنة بس تدوب منضيف السكر والسميد والحليب ومنحرك باستمرار وبسرعة بس يصير الخليط كتلة منضيف ماء الزهر والجبنة واطفي النار واخلطهن لتمط الجبنة وخليهن ليفتروا شوي من شان تحسني تمديها بإيدك بتكوني مجهزة القطر بتجيبي الصحن الكبير وادهني بالقطر ومدي عليه الخليط وافردي بالسماكة يللي بدك ياها وايمت مابدك تقدميها بتحطي فوقها القشطة وزينيها بالفستق الحلبي ومنضيف عليها القطر
طريقة القشطة :
طريقة عمل القشطة المنزلية : بطنجرة على النار منضيف 3 ليتر حليب سائل وازا حبيتو مجفف لكل 4 كوب ماء 250 غ حليب مجفف ومنضيف فوقهم نص كوب خل ابيض تقريبا وبس يفرط ويتفتت منصفيها ومنكب المي يللي طلعت منها ومنخليهم بالبرد . بطنجرة تاني على النار منضيف ليتر حليب كامل الدسم وعليه كوب من النشا ومع تحريك المستمر حتى يتكاثف منحط شوي من ماء الزهر ومنجيب القريشة يللي عملناها مسبقا ومنضيفها فوق الحليب والنشا ومنحرك على نار هادي حتى يختلطوا بعدين منطفي النار وبخلاط يدوي خلطيهم كويس وخليهم بالبرد 3 ساعات مغطايين وبعدين منستخدمها لأي حلو عربي وصحة وهنا.
