من ام يوسف
عشاء فاخر من الآخر ??
فطيرة التركية ✌️✌️
بعجينة راااااائعة و حشوة و لا الذ ?
فطيرة التركية ??
للعجينة: مندوب م ك خميرة فورية + م ك سكر بربع كاسة ماء دافئ و منغطيها و منتركها ع الجنب.. في وعاء اخر مننخل نصف كيلو طحين (تقريباً ٣ كاسات و نصف) + ٢م ك حليب بودرة + م ص ملح و منقلب المقادير الجافة و منضيف ١/٣ كاسة زيت و منفركهن منيح.. و هلاء منضيف الخميرة المدابة و نصف كاسة زبادي ( يوجرت) ع حرارة الغرفة و منعجن مع اضافة ماء دافئ بتدريج حتى تصير العجينة ناعمة و مابتلصق و اهم شي منعجن لا تقل عن ١٠ دقائق و مندهن الوعاء و العجينة قليل من الزيت و منغطيها منيح و منتركها تتخمر ساعة او حتى تتضاعف حجم العجينة..
منقسم العجينة الى اربع اقسام ( هدول مقدار لصينيتين مقاس قالب التارت) .. منفرد العجينة باستخدام الشوبك ع سطح مرشوش قليل من الطحين و منحطها بقاع القالب مدهون زيت و منعمل ثقب باستخدام شوكة و فوقها الحشوة ( اي حشوة حسب الرغبة بس المهم الحشوة تكون مخلوطة مع جبن موتزريلا و شيدر) و منغطيها بقطع من العجينة المفرودة و منثبتها و منعمل كمان ثقب و منغطيها و منريحها ١٠ دقائق و مندهنها بالبيض مخفوق مع م ص خل و ملعقتين صغار حليب السائل و ع الفرن محمى مسبقاً ع درجة ٢٠٠ حتى تشقر لونها و منطلعها و منوزع عليها قمية وفيرة من جبنة موتزريلا و شيدر و بارميزان ( اختياري) و حبة سوداء و منرجعها الفرن هيك ٥-١٠ دقائق حتى تدوب الجبنة و منطلعها و منغطيها ١٠ دقائق بفوطة نظيفة و تقدم ساخناً و عليكم بالف عافية .. ام يوسف
الحشوة: منحمى المقلاية و منسخن م ك زيت الزيتون و بصلة كبيرة مفروم ناعم بس يذبل منضيف نصف كيلو لحمة مفرومة و منقلب بس تنشف منضيف البهارات.. ملح و فلفل اسود و بهارات مشكلة و فليفلة الوان نصف حبة من كل لون و ١/٤ كاسة مشروم مقطع و ١/٤ كاسة ذرة و حلقات زيتون و منقلب منيح ٥ دقائق و منرفعها من ع النار و منتركها تبرد و اثناء الحشي منضيفلا نصف كاسة موتزريلا و نصف كاسة جبنة شيدر و منخلطهن منيح و منسخدمها و بالعافية عليكم... ام يوسف
