الطريقه ؛؛
في الخلاط بنخلط كب سكر وكب زيت نباتي وكب حليب واربع معالق كاكاو بودرة
بناخد مقدار تلات ارباع الكوب من هادا الخليط وبنخليه على جنب للاستعمال لاحقا ...وباقي المقدار بنضيفله ببضتين مع معلقة صغيرة فانيلا وكب طحين ومعلقة كبيرة بيكنج باودر ومعلقة صغيرة نسكافيه (اختياري)،بنخلطهم منيح وبنخبزهم في صينية مدهونة زيت وطحين وفي فرن محمى سابقا على ١٨٠ مئوي ٣٥٠ف) انا استعملت صينية التشيز كيك لخبزها
بس نطلعها من الفرن بنتركها شوي تبرد وفي الخلاط بنخلط علبة حليب مكثف محلى مع ٦حبات جبنة كيري او البقرة الضاحكة ومعلقة صغيرة مليانة نسكافيه وبنضيفهم ع وجه الكيكة وبنرجعها على الفرن وبنكون طفينا من تحت وشغلنا من فوق عالواطي وبنخليها بالفرن لتصير متماسكة عند اللمس بس ما تتحمر ..بنطلعها من الفرن ..الخليط الاول الي خلينا على جنب انا ضفت عليه ربع معلقة صغيرة نسكافيه كمان اختياري للي بحب ..بنحركه شوي عالنار ليبدا بالغليان بنطفي تحته وبنضيفه اما على شكل خطوط او ازا حابين تغطوا فيه كامل الوجه ..بس اضيفوه للوسط وحركوا الصينية بشكل دائري بحيث انه صوص الشوكلاتة يتوزع على كل الوجه ..نتركها تبرد وبنقدمها وصحتين
