من ام يوسف
الطريقة...بنجيب الكنافة الشعر جاهزة من السوبر ماركت...بنتركها تفك من التلج...عجنب بنذوب سمنة ونصبغها بصبغة الكنافة او بودرة صفار الزعفران ونحطها عالكنافة ونفركها ...بنحط السمنة بالتدريج لحتى الكنافة كلها تتشرب السمنة واللون...بنرص الكنافة بالصينية المدهونة نتفة سمنة...ونجيب الجبن ممكن استخدام النابلسية او العكاوي بعد ماننقعهم وتروح ملوحتهم تماما... وبخلطها مع موزاريللا بتساعد عالمطة اكتر....وبرجع بحط شوية كنافة فوق الجبنة بس يادوب رشة بسيطة...وندخلها الفرن تتحمر من تحت اللي هوة حيكون الوجه...وبعدين نشغل الشواية لحتى تذوب الجبنة تماما....واول ماتطلع بنسقي الجبنة شوية قطر ونقلبها ونرجع نسقيها قطر ونزينها بالفستق الحلبي...للقطر السكر ضعف المية مع عصرة ليمون....والف صحة
