من ناهد العبدالله
ثلاث كاسات طحين نحط عليهم رشة ملح وملعقة كبيرة بيكنج باودر ونص كوب زبادي ونص كوب زيت ونص كوب حليب ونعجنها ونخليها ترتاح ثلاث ساعات وبعد ثلاث ساعات نقسم العجينة عشرين قطعة ونرق كل قطعة بالنشا لتصير رقيقة كتير وشفافة وبعد لنرقهم كلهم نحطهم فوق بعض ونرقهم لتصير قطعة وحدة ونلفها رول ونقطعها بالسكين قطع متساوية وندهن صينية الفرن بالسمنة ونرق كل قطعة ونحشيها ونسكر الاطراف ونحطها بالصينية وبالفرن بس احمرت من تحت نسقيها بالسمنة اكثر من مرة لتحمر من فوق وبس طلعناها نسقيها بالقطر..الحشوة جوز مكسر بنخلط معو شوي سكر وقرفة وممكن ماء زهر او فستق حلبي وسكر وقرفة او قشطة طريقتها نحط عالنار لتر مي وكاستين حليب بودرة وبس يغلي نحط فنجان خل ابيض وبس فرط الحليب بنصفيها ونخلطها مع علبة قيمر
