من ناهد العبدالله
بيتزا +فطيرة جبن +دبس فليفلة + زعتر ..العجينة :ثلاث كاسات طحين +ملعقة كبيرة ممسوحة خميرة + بيضة +نص فنجان شاي زيت + رشة ملح +رشة سكر +ثلاث ملاعث حليب بودرة +مي دافي للعجن ..نعجن المكونات مع بعض ونخليها تختمر شي ساعة وندهن صينية الفرن بشوي زيت ونمد العجينة عالطاولة ونحطها بالصينية ونخرمها بالشوكه ونكون مجهزين الصلصة الحمر الي هي : بقلي بصلة صغيرة مفرومة ناعم مع سن قوم بشوي زيت وبحط اللحمة المفرومة عليها طبعا اللحمة اختياري ممكن ما تحطوها بس اهل بيتي بيحبوها بلحمة وبقليها وبحط ملح وفلفل اسود واحمر ونضيف عليها البندورة المبروشة وملعقة صغيرة معجون طماطم وملح وملعقة من توابل البيتزا الجاهزة مكونة من اوريجانو وريحان وبردقوش وثوم وبصل وبخليها لتتسبك وبس بردت بحطها فوق العجين وبحط فوقها الفطر المقطع وزيتون هون ما كان عندي زيتون وبحطها بالفرن من تحت لتتشقر الاطراف وبطفي الفرن وبضيف الموزريلا والفلفل الاخضر وبدخلها عالفرن الفرن ما بيكون شغال بس بحماوة الفرن لتسيح الجبنة ...وفطيرة دبس الفليفلة بقلي بصلة مفرومة بشوي زيت زيتون عالنار لتذبل وبضيف الها حبة بندورة مقطعة ناعم وبحركها شوي وبضيف دبس الفليفلة وشوي ملح وبحركها دقيقتين وبطفي عليها وبحط سمسم وحبة البركة وبحطها عالعجين ....
الاكواب خبز عادي حطيتو بقفا قوالب الكب كيك يعني بتقلبي صينية الكب كيك وبين القوالب تحطي الخبز وبالفرن لينشف ويتشكل وحطيت جواتهون سلطات مشكلة ..سلطة خيار وبندورة والي بالنص بطاطا مكعبات مقلية مع صدور دجاج مشوية وتوست محمر بالفرن والاخيرحطيت في جرجير ونعناع اخضر ورمان وجزر والقناني عصير ليمون وكاتشب وزيت زيتون والصحون الصغيرة مايونيز وكاتشب وصلصة مثل المايونيز بس حادة حراقة بتجي جاهزة قشطة وعسل لبونة
