من ناهد العبدالله
حلاوة بالجبن ومعجوقة :طبعا هني نفس الشي بس المعجوقة عملتها من اطراف العجين الي قصيتهم ومديتها بالصحن وحطيت قشطة عليها وقطر شيرة وفستق حلبي ..الحلاوة بالجبن :كاستين مي +كاسة سكر بنحطهم عالنار ولما بيبلش يغلي نحط كاسة وربع سميد وملعقة ماء زهر وبنخليهم على نار هادية لحتى تنشف ميتها ونطفي النار ونحط مقدار كاسة ونص جبن موزريلا ونغمرها بالسميد دقيقة ونحركها لتسيح الجبنة ونمدها عالرخامة او بصحن ونمدها ونطويها من جميع الجهات انا هون مديتها نفس طريقة المحلات بدهن سمنة بالصحن وبمدها على قد الصحن وبحط ايدي تحتها بين العجين والصحن وبرفعها ونزلها بطريقة النفض هيك بتمد وتنزل من اطراف الصحن ونكرر العملية اكثر من مرة ..والحشو طبعا في عدة انواع حشو انا اخترت الاسرع لانو كنت مستعجلة :كاستين حليب +ملعقة ونص سميد +ملعقة سكر نحطهم عالنار ليغلي الحليب ونضيفلو ربع كوب حليب مخلوط معو ملعقتين نشا ونخليهم عالنار ليسمكو مع التحريك وبس بردت نستعملها
