من Rima Salameh
تشيز كيك البسبوسه يمي شو طيبه وخفيفة
المقادير :
30 حبة بسكويت ماري
علبة قشطه صغيره قيمر
80 غرام زبده سايحه
بنخلط مقادير القاعده مع بعض وبنحطهم بالقالب وبالفرن لمده عشر دقايق مو اكتر
مقادير خليط التشيز الطبقة التانيه وازا بتحبو تعملوها مقداريين وضاعفو الكميه حتى تكون شوي اخمل:
علبة لبن حجم صغير
ظرف دريم ويب
3 حبات جبنة كيري بدرجه حرارة الغرفه
كاسة حليب بودرة
ربع كاسة سكر
بنخلطهم كلهم مع بعض وبنحطهم على طبقة البسكويت وبنحطهم في الفرن وبنكون محمين الفرن من فوق ونخليها لحتى تجمد الطبقة وحاولو انو مايكون قريب من الشوايه
الطبقة الثالثه:
علبة قشطه قيمر
ربع كوب سكر
ربع كوب زيت نباتي
بيضه بدرجة حرارة الغرفة
معلقه صغيره فانيلا
ملعقه صغيره بيكنج باودر
نص كوب سميد ناعم او وسط
يخلط جميع المقادير مع بعض ويصب فوق الطبقة الثانيه وندخلو الفرن من فوق على نار هاديه حتى تحمر وبنحطها من تحت لمده خمس دقايق بنطلعها وبنسقي الوجه قطر تقريبا كوب صغير وبنزينها بالفستق الحلبي ... وصحتين وهنا
