750 غرام طحين ..استخدمت كوب معياري 250 مل 3 اكواب
حطيت عليه معلقة سكر كبيرة
معلقة باكنغ باودر كبيرة
معلقة ملح كبيرة
بيضة مخفوقة مع معلقة خل
نص كوب زيت نباتي خلطتهم سوا مزبوووط ..
حطيت مية دافية بنص كاسة شاي معلقة كبيرة خميرة فورية ومعلقة سكر كبير حركتهم مزبوط وتركتها عشر دقايق وبعدين ضفتها للمكونات ...
بهالاثناء حطيت عالنار علبة لبن زبادي 170 غرام
200 مل حليب ..تقريبا كوب
معلقتين زبدة كبار تقريبا 20 غرام ..تركتهم لحتى صارو دافيين اكتر بشوي من المعتاد والزبدة تقريبا دابت ..وبلشت اضيف الخليط للمكونات الاولى واعجن هلا ممكن نحتاج رشات طحين حسب نوعو ..وبنعجن مزبوووط مش اقل من ربع ياعة لحتى تصير عنا عجينة قطنيه وطرية دبقة شوي مش ناشفة ...وبما انو الجو بارد شغلت الفرن 5 دقايق دفي بعدين طفيتو وحطبت العجينة فيه نص ساعة تختمر ويتضاعف حجمها ...وبعدين قطعتها كرات صغيرة حسب الحجم اللي بدنا اياه تركتها ترتاح 5 دقايق وبلشت اجهزها افردها شوي بايدي واحط الحشوات وخبزتها بفرن حامي على 200 درجة وبس جهزت غطيتها بفوطة ناشفة ونضيفة ..
الحشوات كانت ..
زعتر وزيت
جبنة ببضا مخلوطة مع تشيدر مبروشة وموزيريلا وخفقت بيضة مع رشة ملح وفلغل وضفتها لخليط الجبنة ..
وميني بيتزا باللانشون والفلفل ..
انا هون رح احكيلكم كم شغلة مهمة لنجاح المعجنات ...
اولا ..الخميرة لو فورية لازم ندوبها ونتركها تتخمر قبل ما نضيفا وبتفرق جدا بالنتيجة ...
تانيا ..السواءل اللي بتنضاف لازم تكون دافية سواء حليب او مية ..والبيضة بحرارة الغرفة ...
ثالثا ...لازم تنعجن مو اقل من ربع ساعة ...وتكون دبقة مو ناشفة عالاخر ...
رابعا ....التخميير اهم خطوة لازم تتخمر وتضاعف وبعدين نقطعها ونخمرها وبس نشكلها نتركها 10 دقايق ترتاح ...عشان تطلع عجينة هشة وقطنيه ...
خامسا ...الفرن لازم يكون حامي كويس قبل بربع ساعة ويكون على 200 اعلى من المتوسط يعني وعلى الرف التحتاني بالفرن مو عالنار مباشرة ومش عالي متل الكيك ..
سادسا ..لازم العجينة ما تطول اكتر من 10 الي 15 دقيقة بالفرن عشان ما تنشف ..
سابعا ...اول ما تطلع من الفرن لازم نغطيها بفوطة ناشفة ونتركها شوي قبل التقديم عشان نضمن انها تبقى طرية وما تنشف
