الطريقة ..بكيت عجينة بقلاوة جاهزة بطلعها قبل ب4 ساعات عالاقل او قبل باليلة افضل عشان يكون سهل الشغل فيها ....بيكون شكلها اسطواني بجيب سكينة مسننة كبيرة بقطعها ل4 قطع بيصير 4 اسطوانات صغار...باخد كل وحدة وبفردها بيصير عنا عجينة مستطيلة طويلة بطوي طرفها على شكل مثلث وبقطعها وبكرر العملية لكل الكمية بعدين بحشيها قشطة بيتية وبسكرها على شكل مثلث وبحطها بصينية او بايركس وبحط كمية زبدة منيحة عليها وبعدها بشويها من تحت ومن فوق لحتى تتحمر وبحطلها قطر بارد اول ما تطلع ..
القشطة ..
كوبين حليب
4 معالق نشا
معلقتين سكر كبار
معلقتين سميد
ماء ورد او ماء زهر ..
بنحطهم عالنار وبنضل نحرك ليتقل الخليط بعدها بنطفي النار وبنضيف علبة قشطة بنخلطها معهم وبنتركها تبرد بعدين بنستخدمها
بثينة
