بسبوسة بطبقة القرفة سهلة جداا والاهم انها بدون بيض
علبة قشطة بنفرغها بجاط وبنستخدم العلبة الفاضية مقياس ..
علبتين سميد بنضيفهم للقشطة
نص علبة جوز هند
نص علبة سكر
معلقة كبيرة باكنغ باودر
وبنعجنها بزبدة دايبة ودافيه حسب ما تحتاج لانو حسب السميد اللي بتستخدموه ممكن ناعم ممكن خشن بيفرق ..بس بيكون قوامها طري مو ساءل ولا جامد ممكن تنفرد ..
بندهن البايريكس طحينية بناخد جزء من العجينة بنضيفلو معلقتين قرفة ومعلقتين سكر بني وبنفردها بالاول وفوقها الطبقة العادية وبندخلها فرن حامي نخبزها من تحت ومن وفوق وبس تجهز بنحطلها قطر بارد
بثينة
