الطريقه ؛؛
بعمل خليطين من الكيك العادي
خليط بضيفله الألوان وخليط بضيفله كاكاو
مقادير الخليط الواحد ؛؛
3 بيضات
فانيلا
برش ليمونة
نص كوب زيت
كوب ونصف سكر
نخلط ما سبق جيدا بالخلاط اليدوي
ينكون مجهزين كوب حليب دافي ( او نصف الكوب حليب ونصفه لبن )
وكوبين طحين منخول مع 3 ملاعق صغيرة بكنج باودر ورشة ملح
بنضيف الطحين والحليب بالتدريج مع الخفق لحتى تخلص الكمية
نوزع الخليط في 4 صحون بالتساوي ( انا استخدمت مغرفة الشوربة وصرت احط بكل صحن مغرفة وارجع اعيد لحد ما خلصت كمية الخليط )
بنصبغ كل صحن بلون ( الوان فوستر السائلة )
( الخليط التاني نفس الطريقه بس بالأخير ضفت اربع ملاعق كاكاو وربع فنجان شكولا سايحه )
طريقه العمل ؛؛
بندهن القالب بزيت وطحين وبنصب نص الخليط من اي صحن وبنخبزه بفرن حامي على 160 بس ما بياخد وقت لانها الطبقة خفيفة يا دوب 5 دقايق ولما تستوي الطبقة الاولى بنطفي الفرن من تحت وبنشعل الشواية وبنحمر الطبقة شوي بس يا دوب اقل من دقيقة
وبطلع القالب وبنصب فوق الطبقة الي استوت نص كمية خليط من صحن بلون تاني وبنرجع القالب للفرن بس على الشواية رح نكمل كل الشغل يعني رح نصير نخبز ااطبقات على الشواية ويا دوب بسرعة بتستوي بس المهم ابعدو شبك الفرن عن الشواية خلو اخر شي بالفرن من تحت لما نبدا نخبز الطبقات على الشواية
وبنكمل بنفس الطريقه وبنرجع بنعيد الكميات الي ضلن بالصحون من اول وجديد
ولما جهزت تركتها بالقالب حتى بردت وسيحت حبتين جلكسي سادة او اي نوع بتحبو مع علبة قشطة وحطيتها على الوجه وبعدين زينوها متل ما يتحبو
كتير طيبة (الالوان انا استخدمت احمر واخضر واصفر وأزرق وكاكاو )
