من
Mays Abood اول شي بتخفقي خمس بيضات وبس يتضاعف حجمه بتضيفي عليه كاسه سكر وبتكملي الخفق ثم بتضيفي نصف كاسه زبده وبتخفقيهم منيح وبعدها بتضيفي كاسه لبن رايب ونصف كوب ماء الاناناس ونقطين خل وبتكملي خفق في وعاء اخر بتنخلي كاستين ونصف طحين وملعقه بكنج بودر وربع ملعقه كربونه وبتحركيهم وبتصيري تضيفي ع الخليط الاول بالتدريج مع استمرار الخفق لحتى تنتهي الكميه وبصنيه مدهونه زيت وبالفرن وبتكوني محمياه من قبل وبس تنضج بتطالعيها من الفرن وبتخليها تبرد تمام وبتقسميها من النص بالسكين او الخيط اسهل خاصه للمبتدئين وبتشلي النص الفوق وبتعملي ثقوب بالشوكه متباعده وبتصبي من ماء الاناناس بالملعقه وبعدها بتكوني محظره الكريمه انا استعملت كريمه الخفق الجاهزه واتبعت التعليمات الي ع المغلف هون بتكوني مقطعه الفواكه الي بتحبي تستخدميها اهم شي الاناناس واي اضافات ثانيه وبتخليطها مع جزء مناسب من الكريمه وبتحشي فيها الكيكه وبتحطي النصف الفوق وكمان بتعملي ثقوب بالشوكه وبتشريها بكميه قليله من ماء الاناناس وبتغلفيها بالكريمه وبتزينها بالفواكه حسب الرغبه ويعطيكم العافيه
