من ام ياسمين نور
بنقع تلات أكواب جبنة نابلسي بالليل بمي باردة وبغير عنها المي تلات مرات وبنقع كوب ونص جبنة موزاريلا تاني يوم بحط بكيت شعيرية الكنافة شعر في خلاط الطعام وبطحنه وسط بحط الجبنة والموزريلا بعد ما اصفيها مزبوط من المي وافتتها ناعم وبحط عليها معلقة ك سكر ومعلقة ص ماء زهر وماء ورد
بجيب شعر الكنافة المطحون خشن وبحط عليه كوب ونص سمنة بلية دافية بعدها بحط بالصينية ربع أصبع زبدة وملعقة صغيرة صبغة الكنافة ويدهن الصينية فيهم كويس وبعدين بفرد اكتر من نص كمية الكنافة بالصينية وبعدها بحط الجبنة فوقها بس ما تخليها توصل للأطراف وحطي ورق مطبخ فوق الجبنة ليمتص المي وبعدين شيلي وفوقها بقية شعر الكنافة يعني طبقة خفيفة وبالفرن علا حرارة 200 لمدة عشر دقايق او ربع ساعة بتطلعيها واستني عليها خمس دقايق بعدين اقلبيها في صينية اكبر واسقيها بالقطر السخن وزينيها وألف صحة
