مقادير العجينه ؛؛
٣ كاسات طحين منخول
٣ م ك حليب بودره
١ م ص باكنج باودر
١ م ص سكر
١ م ص ملح
١ وربع ماء دافئ للعجن وحسب نوع الطحين ممكن اقل او اكثر
١ بيضه
١ م ك زيت لجميع العجين
نص كاسه لبن زبادي
ملاحظه ( العجينه ما فيها خميره ) فقط ملعقه باكنج باودر
خلطت المواد الجافه مع بعض
وضفت كل المقادير مع بعض وعجنتهم امنيح اخر شي ملعقه الزيت
تركت العجينه ترتاح نص ساعه
وبعدها قطعتها وعملت كرات صغيره تركتها ترتاح ربع ساعه وبعدها بلشت شغل فيها
الحشوه ؛؛
نص كيلو لحمه ناعمه ، ثلاث حبات بصل مفرومين ناعم ، حبه بندوره كبيره مفرومه ناعم ، فلفل حار ، فليفله ألوان ، بقدونس ، نعنع ... كلو فرم ناعم ... ضفتلهم ملعقه كبيره دبس رمان ، ملعقتين زيت زيتون ، ملح ، فلفل ، بهار
عجنتهم مع بعض ... وضفتهم على العجين
كنت محمي الفرن
استعملت ورق الزبده فردت العجينه عليه والحشوه على فوق العجينه
ودخلتها الفرن على الرف الوسط وبس تحمرت من تحت كانت جاهزه ( بدها تقريباً ربع ساعه )
ما بحمرها من فوق علشان تضل طريه
