بلاك فورست كيك - كوب زبدة طرية ..200 غرام بنخفقها مع كوب ونص سكر ناعم الحبيبات وبعدين بنضيف اربع بيضات بالتناوب كل بيضة لحال بنخفقها لتخلص الكمية وبنضيف معلقة فانيلا ...كوب ساور كريم انا ضفت كوب حليب مخلوط مع معلقة خل كبيرة وبنخفقهم كلهم سوا وبنضيف كةب شوكولاتة دايبة وبنستمر بالخفق ...
بننخل كوبين دقيق مع معلقة باكنغ باودر كبيرة ومعلقة باكنغ صودا ورشة ملح وبنضيف الخليط على مراحل مع التحريك بسباتيولا او معلقة المهم مو بخفاق الكهربا وبس نخلص بنكون محمين الفرن على 180 درجة وداهنين قالب كبير او قالبين ..انا استخدمت قالبين 23 سم وبنخبزها لمدة 40 دقيقة او حتى نختبرها بعود ونشوف ...بنتركها تبرد تماما وبنجهز الحشو طبعا حسب الرغبة انا هون استخدمت كريمة الجاناش ...
كوب الا ربع كريمة خفق سائلة غليتها عالنار وبعدين بطفي الغاز وبضيف كوب شوكولاتة خام وبحركها عالسريع لحتى يصير قوام ناعم بدون كتل بتركو يبرد تماما وبحطو بالتلاجة لحتى يصير بارد مزبوط وبضيف مغلف دريم ويب زبخفق الخليط بالخفاق الكهربائي لحتى يصير القوام كثيف وحشيت الكيكة فيها ودهنتها من برة
