من
Suzane Hak
الطريقة : العجينة خمس كاسات طحين - ملعقة كبيرة سكر وملعقة كبيرة ملح - ظرف خميرة فورية او ملعقة كبيرة - ملعقتين زيت - وتلات ملاعق لبن نخلط النواشف مع بعض بعدين اللبن الزبادي والزيت ونضيف ماء فاتر شوي شوي حسب نوع الطحين انا اخدت معي كاسة ونص ...وبالاخير ندهن اليدين بالزيت ونعجن حتى تصير عجينة ناااعمة ما بتلزق باليد نغطيها ونتركها تتخمر ساعة بعدين نقطعها كرات صغيرة ونتركها كمان ساعة ...نرش السطح بالطحين ونرق قطع العجين منيح ونفرد عليها الحشوة ونخبزها عالتيفال ليحمر اسفلها ...هلء اللحم بعجين بعد الخبز عالتيفال منخبزو شوي بالفرن ليتحمر الوش وتستوي اللحمة انا خبزتو اربع دقايق على حرارة ٢٢٠ لان فرني عالهوا الساخن وكل شخص حسب حرارة الفرن وبعد ما نطالعن من الفرن نغطيهم بفوطة مطبح حتى يبقو طرايا ...اما خبز الفليفلة والزعتر ما بدهم خبز بالفرن بس عالتيفال ولا بدهم تغطاية وصحتييين
حشوة اللحم بعجين : نفرم عالفرامة حبتين بندورة بصلة كبيرة حبة فلفل اخضر ونعنع اخضر وبقدونس وملح ورشة سبع بهارات او بهار عادي ونخلطهم مع كمية اللحمة المرغوبة .
حشوة الفليفلة : تلات ملاعق دبس فليفلة رشة كمون - سمسم - زيت
