من بثينة غانم
كوبين طحين
نص معلقة ملح
نص كوب سكر بودرة ...بنخلهم سوا
بضيف 100 غرام زبدة جامدة من التلاجة وبنفركها بايدنا لحتى تصير متل فتات ..
بعدين بنضيف صفار بيضتين معهم معلقة خل ابيض ومعلقة كبيرة فانيلا
وبنعجنها عالخفيف ..ممكن نحتاج كم معلقة مية باردة كتييير ..العجينة بتكون مفتفتة مو متل تاعت المعجنات ..المهم بنقدر نشكل منها كرة متماسكة ..بنغلفها زبنتركها بالتلاجة عالاقل ساعتين بعدين بنفردها وبنحطها بقالب تارت او صينية او قوالب منفصلة متل ما انا عاملة ..بنرجعها عالتلاجة كمان ترتاح ساعة بعدين بنحط حشوة التفاح وبنعمل شوية من العجينة متل خطوط نزين الوجه فيها بنحطها بفﻻن حامي قبل بوقت على 180 ..وبنضل مراقبينها لانو ما بتاخد وقت كتير بس تتحمر اطرافها بنطفي من تحت وبنحمرها شوي من فوق ..بنتركها تبرد وبنحطلها سكر بودرة او بدون
حشوة التفاح ...
6 حبات تفاح مقشرين ومقطعين مكعبات
نص كوب سكر ...انا حطيت ربع كوب وحسب الرغبة بتضل
معلقة عصير ليمون
نص كوب مية
معلقتين زبدة
معلقتين قرفة كبار
بنحطهم عالنار وبنترمها لحتى تنشف المية ويستوي التفاح ممكن نهرسو او نخليه مكعبات وممكن اضافة جوز وزبيب او اي مكسرات او بدون ...بنتركها تبرد تماما بعدين بنستخدمها
