من نيفين خليل
الطريقة بغسل الجاج كتير منيح وبنقعه شوي بليمون وطحين وخل وزيت زيتون بالمية طبعا بعدين بحضر حشوة بصل ورز مصري منقوع منيح وملح وفلفل اسود ورشة بهار وبحشي الجاجات وبطبخهم عنار هادية لحد ما يستوو بنشلهم من المرقة عشان احمرهم وبكون محضرة خبز شراك بقطعه قطع صغيرة وبحطه بالصينية وبشربه بمرقة الجاج بعدين بكون مفلفلة رز ابيض وبحطه عليه وبكون محمرة الجاجات وبحطهم عالوجه وبزينه باللوز والليمون والبقدونس وبعمل جمبها دقة ملح وفلفل اخضر وثوم وليمون وبحط عليها معلقة مرقة وصحتين