من ام مهدي
فتة المكدوس
بجيب حبات باتنجان صغيرة وبقشرها نص تقشير وبفتحها من الجنب وبرش عليها من جوه وبره شوية ملح وبقليهم لحتي يتحمرو وبعدها بقيمهم وبحطهم عورق يمتص الزيت
وبجهز لحمة مفرومة بقليها وبضيف ملح وفلفل اسود وقرفة وبهار مشكل وبس تستوي بحشي الباتنجان باللحمة من الفتحة إلي عملناها
بجهز عالنار كاسة مي و٤ معالق رب بندورة وملح واناحطيت صلصة حارة شوي بس تغلي بسقط حبات الباتنجان لتغلي كم غلوة
تحضير الصلصلة البيضا وهي بخلط علبتين لبن صغار ومعلقتين كبار طحينية ورشة ملح و٢ سن توم مهروس وعصير ليمونة
في جاط التقديم بحط خبز مقطع مكعبات ومقلي وبشربو شوي من صلصة البندورة وبوزع الصلصة البيضا وفوقو بوزع حبات الباتنجان وزينتو باللوز والزيادة إلي ضلت من اللحمة