♡
معكرونة بصوص البندورة والبيتنجان :
معكرونة حجم صغير مسلوقة وموضوعة بصينية الفرن نرش عليها ملح وفلفل زيت زيتون ونحركها في مقلاة على النار نضع زيت مازولا لقلي البيتنجان المقطع مكعبات صغيرة بعد الاستواء نرفعه من على النار ونضعه جانبا , نقوم بتحميس بصل مع اللحمة المفرومة كزبرة بودرة بابريكا فلفل اسود بهارات مشكلة ثم نضيف البندورة المبروشة ( مبرشة الجزر ) و4 ملاعق طعام معجون الطماطم بعد الاستواء نضيف البيتنجان المقلي على صلصة البندورة ونحرك ونضع فوق المعكرونة القليل من جبنة موزاريللا ثم صلصلة البندورة والبيتنجان وآخر شي نضيف جبنة الموزاريللا وتقدم وصحة وهنا
مقلوبة السمك الصحية : سمك فيليه مغسول ومقطع قطع كبيرة بمقلاة على النار منضيف شوية زيت زيتون ومنضيف عليه الفيليه المملح والمبهر ببهار السمك والملح والبابريكا حتى يستوي وبطنجرة تاني عالنار منضيف زيت مازولا كمية قليلة وطبقة من الأرز البسمتي المغسول كتير منيح ومصفى وطبقة من البيتنجان المقطع على شكل دائري وممسوح بزيت زيتون والمشوي مو مقلي وفوق طبقة الرز والبيتنجان منضيف السمك وبعدها كمان رز وبيتنجان والسمك بعدها منضيف المي الملح مكعب مرق وبهار السمك كركم بس يغلي منتركه على نار هادئة حتى الاستواء وصحة وهنا
