الكوردن بلو :
صدر دجاج مقطع شرايح دخليه بكيس مطبخ واطرقيه بالمطرقة مشان يرق أكتر ويسهل لفه .. بعدهاي بتتبليه بأي بهارات انتي بتحبيها وحابة تعطي نكهة أنا أكتفيت بملح وفلفل أسود.. وبتحطي علي الدجاج شرايح رومي مدخن أو مرتديلا شو ما بتحبي وأصابع جبنة تشيدر وبتلفيه رول وبتلفيه بنايلون مطبخ حراري وبعدها بسيلوفان لفي أكتر من لفة واضغطي وانتي بتلفي وحطيه بطنجرة فيها مية مغلية وخليه يغلي تيستوي الدجاج بتخليه ليبرد شوي وبتغطيه بطحين بعدها ببيض مخفوق بعدها ببقسماط وبتقليه بزيت غزير لياخد لون دهبي .. الصوص حسب ما بتحبي اعمليه.. ثوم مفروم شوحيه بشوية زبدة لتطلع ريحته ضيفي عليه شرايح مشروم لتدبل ضيفي كريمة طبخ وشوية طحين لتثقيل الصوص ورشة ملح وحليب لو ما بتحبيه دسم . حسب نوع الكريمة ... وفيكي تضيفي أي بهارات بتحبيها ثوم بودرة أو بصل بودرة ع الصوص... وبقدم مع رز
والف صحة وهنا kiss رمز تعبيري
الكنتاكي :
افخاد دجاج تنقع بلبن رايب لفترة وبعدها تتبل ببهارات بابريكا وملح وفلفل اسود وجنزبيل وخل ابيض وثوم وبصل بودرة واي بهار بتحبيها .. تتركيها ليلة كاملة بالتلاجة لتتنكه .. هلء غمسي الدجاج بالخلطة الطحين والبقسماط بعدها بكورن فليكس مفتفت ( ممكن تستغني عنه بتشيلي الدجاج من التتبيلة وضيفي ع الخلطة طحين لحد ما يصير عندك خليط غليظ شوي شبه سائل وقطع ثلج وبصحن تاني اخلطي طحين مع شوية نشا ومية مثلجة وافتليه بايدك ليطلع قطع صغيرة لتعطي القرمشة )واقليهم بزيت غزير ع درجة حرارة عالية وكوني مغطياه لكن يكون فتحة ليطلع البخار والا بنحرق الدجاج وهو مش مستوي.. وبعدها وطي النار ع الاخر لحتي يستوى ع راحتهم ويشقرو بتقلبيهم ع الجهة التانية بدها 15دقيقة لتستوي
والف صحة وهنا
