من شاورما دجاج وباميه باللحمه وسلطة معكرونه شو رايكم
للشاورما بنحتاج صدورة دجاج مخليه من العظم مقطع شرائح طوليه وبنتبلهم بالملح وفلفل اسود وبابريكا وهيل مطحون وبنحط عليهم ربع كاسة زيت ويتون ونص كاسة خل ابيض وكمان عصير ليمون وببنقعهم اقل شي 6 ساعات وانا بفضل من قبل بليله وبعدها بحط قلايه غير لاصقه ع النار وبحميها منيح وبصير اخد كميه من الدجاج وبظل اقلبهم لحد ما تنشف المي عنهم وياخدو لون ويستو بشيلهم ع طبث جانبي وبرجع باخد كميه تانيه وبقلبهم بالمقلايه وهيك لاخلص كل كمية الدجاج وهلاء بحضر الساندويشات بعمل متومه بحط كل ملعقتين ميونيز مع ملعقة لبن وبهار التومه مطحونه ناعم وبخلطهم مع بعض وكمان بحضر شرائح رفيعه من البصل وبدعكهم بايدي مع ملح وسماق و كمان بقطع مخلل خيار لشرائح طوليه رفيعه بفرد خبزة الشراك وبتني طرفها وبدهنها من خلطة المايونيز وبفرد عليها من شرائح البصل وشرائح مخلل الخيار وكمان من الدجاج وبلفها وع شواية الساندويشات وبس تطلع بقطعها وبقدمها
