من
EM Mohammed طريقه الدجاج ؛؛
بعد تنضيف الدجاج ونقعه بالليمون .. بصفي وبتبله بالبهار (ملح ، فلفل ، عصره ليمون ، سازون جويا ، بابريكا )
بتركهم ساعتين على الأقل علشان يتشربو البهار
برتبهم بصينيه وبدخلهم الفرن تحت الشوايه علشان يتحمرو وبقلبهم على الجهتين وبس يتحمرو ..
بغطيهم بقصدير وبدخلهم الفرن من تحت علشان يستو امنيح بس ثلث ساعه بكونو جاهزين ...
بكون محضر في صحن كبير ( باربكيو صاص بضيفلو نص كاسه مي ) وبخلطو علشان ما يكون جامد كثير ..
بغمس قطعه الدجاج بالصحن علشان تتشرب الصاص ..
وبس اخلص الكميه ... برتبهم على نفي الصينيه الي شاويتهم فيها ... وبرجعهم تحت الشعله يوخذو لون وبقدمهم ... جنب انواع المعكرونه او السفره .... وصحتين
طريقه الباستا ؛؛
بذبل ثوم مهروس مع ملعقه زيت وبضيف عليهم الجمبري المنضف وبندوره مجففه بتركهم لحتى يتغير لون الجمبري بضيف رشه ملح او فلفل .. وبضيف صلصه البيستو الريحان ( ورق ريحان ، زيت زيتون ، ربع كاسه مي ، صنوبر ) بخلطهم بالخلاط
وبضيفهم على فوق الجمبري وبتركهم يتسبكو عشر دقائق وبضيف حبتين بندوره وفطر قطع وسط ..
بكون سالق المعكرونه ..
بضيفهم على فوق ب
خبز التوم ؛؛
خبز جاهز بضيفلو ثوم مهروس مع أصبع زبده سايحه ورشه زعتر بري ناشف
بدهن الخبز وبدخله الفرن لحتى يتحمر
