اميه ومسخن ودجاج متبل بالفرن وشوربه عدس وسلطه
من ام خالد
طريقتى بالمسخن والدجاج اما تتبيل قبل بيوم او سلق بالطريقه التقليديه انا بتبله قبل بيوم ازكى طريقتى = الجاج بتبله قبل بيوم بهارات ولبن وثوم وشطه وزيت وليمون وثانى يوم بس بحطه بالفرن مع شويه مى وشويه زيت.... وبفرم بصل كميه كبيره وخصوصا الاحمر انا بحبه لانه ما بذوب مثل الاصفروبجيب طنجره فيها زيت زيتون وبحوس البصل فيها وبهارات اللى بدك اياها وفلفل اسود وكل اشوى بحركهم علشان ما يلزقوا ولانه الزيت كثير بستووا بس ما بتحمروا مثل القلى لحد ما يستووا بجيب مصفايه وبصفى الزيت لحال والبصل بكون فى المصفاه فوق بجيب صحن فى سماق وصحن بكون قاليه لوز او صنوبر كميه حسب الارغفه اللى عندك وبجيب طاسه الزيت اللى صفيته بفرد الرغيف وبرش عليه زيت وبمسحه ببعضه وبفرد بصل وعليه سماق ولوز حتى تنتهى كل الارغفه وبجيب الجاج بحطه على الوجه واذا بدك رشى كمان عليه سماق ...فى ناس بحبوا الزيت بشيلوا الرغيف وبغتوا بطنجره الزيت بس هيك كثير زيت بكون .....وصحه وهنا
