من بثينة غانم
بنحط بمحضرة الطعام او ماكينة اللحمة ...
نص كيلو حمص حب منقوع قبل ليلة ...مش مسلوق
حزمة بقدونس
حزمة كزبرا
راس بصل
بنطحنهم ناعم ..
بنضيف عليهم
معلقة باكنغ باودر صغيرة
نص معلقة كربونة
بهارات فلافل معلقة كبيرة
معلقة كمون صغيرة
معلقة كزبرة مطحونة
عصرة ليمون خفيفة بنخلطهم مع بعض مزبووووط وبنقليها وبس
طريقة عمل الخبز على الغاز .....
المقادير ..
اربع كوب طحين
معلقتين حليب بودرة
معلقتين خميرة فورية صغار
معلقة كبيرة سكر
معلقة صغيرة ملح
تلت معالق زيت ذرة ...
مية دافية للعجن ..
اول شي بنخلط المواد الجافة بعدين بنضيف زيت الذرة وبنفركو معهم بعدين بنعجنهم بمية دافية مزبووووط وبيكون العجين اطرى شوي من المستخدم للمعجنات ...
بنتركها تتخمر ويتضاعف حجمها
بعدين بنقطعها كرات حسب الحجم اللي بدنا ياه
وبنرقها سمك وسط مو رقيق واا خميل والافضل نستخدم ورق الزبدة عشان ما تلزق العجينة وما نضطر نحملها باصابعنا وتخرب ويطلع الهوا .....بنتركها تتخمر كمان مرة وبنسخن صاج مزبوط او مقلاية ما بتلزق بدون زيت وبنشيل الرغيف شوي شوي واحسن انو من ورق الزبدة نقلبها عالمقلى ..بنتركها ثواني فقط قبل ما تطلع فقاعات بس تنشف ثواني وبنتركها كمان شويه ثواني عالوجه التانية وبعدين برضو بنقلبها وبنتركها تنتفخ ولازم الغاز يكون حااامي ....السر انها تنتفخ انو اتباع التعليمات لازم متل ما قلت ينعمل انو تنقلب اول مرحلة على الجهتين بعد ثواني عشان الحرارة توصل لكل الرغيف ...بنحط الارغفة على فوطة او بشكير نضيف وبنغطيهم عشان ما ينشفو ....
نفس الاشي ازا بدنا نعمل تورتيلا ...الفرق انو بنفردها وما بنخليها تتخمر كمان مرة وبتكون رقيييقة وما بنعمل حركة التقليب كل ثواني عادي بنحطها وبنترها لتطلع فقاعات خفيفة وبنضغط عليها عشان بطلع الهوا وبنقلب عالجهتين تتحمر وبنغطيها بفوطة برضو عشان ما تنشف
بثينة
