من بثينة غانم
اول شي بسلق الجاج ...
بحط راس بصل بقطعو من النص بزيت ذرة وبكون منضفة الجاج وغاسليتو كويس ومبهرتو بحطة مع البصل وبحركو لحتى يتغير لونو بعدين بضيف مية بتركها لحتى تغلي وبشيل زنخة الجاج او الرغوة اللي بتطلع عالوجه وبضيف بهار صحيح ...
ورق غار وفلفل اسود حب وعيدان قرفة وهيل حب انا بضيف حبة بندورة مقطعة بتعطي نكهة طيبة وبحط شوية كركم وملح وبترك الجاج يستوي ...
بعدين بشيل الجاج عجنب بشويه ...
بكون قالية الخضرة اللي بدي احطها ...انا هون حاطة باتنجان وزهرة ..بحطها بالقاع وفوقها الجاج وبعدين رز مغسول ومنقوع انا بخلط صنوايت مع حبة حبة طويلة بضيفلو شوية بهار مطحون ناعم لتعزيز النكهة وبحطو فوق الجاج وبحط المرقة وبهدي النار علاخررر ...مقدار المرقة للرز الحبة الطويلة كوب ونص لكل كوب وحسب النوعيات كمان بتختلف
رز الصنوايت ...كوب مرقة لكوب رز ...
بس اخلطهم بحط نفس كمية المرقة تاعت رز الصنوايت بزيادة نص كوب ...
بهدي النار عالاخر لحتى تستوي ...بقلبها وبتركها ربع ساعةاو نص ساعة وهية الطنجرة موجودة عشان تطلع بشكل قالب وصحتين وهنا
