من خلود الحمصي
الطريقة : بجيب البيتنجان الصغير بغسله وبشيل الراس فقط وبس ينسلق منشيل الباقي اسهل بكتير وبعد مانسلقه وبستوي منصفيه وحتى يبرد بالسكين بنفتح طرفو مو متل المحشي لا من الطرف بشكل طولي ومنملحو كويس بملح صخري من الداخل والخارج ومنصفه فوق بعضه بمصفاة وتحت المصفى وعاء كبير من شان المي تنزل عليه وفوق البيتنجان منحط قطعة قماش وصينية بشكل نضغط على البيتنجان كويس يعني تلكون عالبيتنجان تماما وفوق الصينية التقلة وهي عبارة عن جرة غاز او تنكة زيت او اي اي شي تقيل يضغط عليه ويصفي ميتو تماما بعد يومين منبلش نحشي
الحشوة : فلفل احمر حلو وحار مغسول ومقطع ومنشور بالشمس حتى ينشف ومنقرموا بماكينة الكبي او اللحمة ناعم ومنضيف عليه الجوز المفروم وملح وتوم مهروس اختياري ومنحشيه مكان الشق يللي ملحنا فيه وبعدا منصفو بالبترمانات متل الصورة ومنضيف عليه زيت الزيتون للملو ومنسكرو وبصير جاهز لأكل مع كاسة شاي وللتخزين وصحتين وهنا
