من علا تاشمان
طريقه ... بنغسل اللحمه بالمي وبندعكها بالملح وبنرجع نغسلها .. انا استخدمت (روماني) اطيب شي للمنسف .. وبسلق اللحمه مع راس بصل .. ورق غار ..ملح ..فلفل اسود شوي .. اللبن.. استخدمت جميد كركي .. بنقع راس جميد قبل بيوم بمي سخنه وتاني يوم بكسرو وبحطو بخلاط الكوكتيل .. طبعا بحط معو نص كيلو لبن .. وكيلو شنينه (حسب رغبه) ومعلقتين طحين ..بخفقهم كلهم وبحط بطنجره وبحرك فيه حتى يغلي وبحط عليه من مية لحمه .. حسب الحاجه ونص معلقة صغيره كركم .. وبسقط اللحمه في اللبن وبتركها تغلى معه ..
الارز .. ارز صنوايت .. بغسلو منيح ومية نقع بحط معلقه كبيره كركم حتى يطلع الارز اصفر .. وبفلفل الارز بمي عاديه ومية اللحمه ..
الكميات .. 5 كيلو لحمه .. حطيت معه ثنين كيلو ونص ارز ..
وقت تقديم .. بنفرد خبز شراك وبنشربه باللبن المنسف .. وبنفرد الارز .. وبنحط قطع اللحمه .. وبنزين باللوز والبقدونس .. واللبن لازم يتصفى بمصفايه ناعمه وقت تقديم ..والف صحه وهنا
