من فداء حداد
مقلوبة الزهر على طريقتي
الدجاج اول شي بقطعه بنضفه وبشيل الجلد و بغسله بمي وملح بعدين مرة تانية بفركه بخل وليمون وملح و بتركه شي نص ساعة منقوع فيهم بعدين بغسله وبحطه بمصفاية
الزهرة بنكون قطعتها وشلت الزوائد وخلو القطع كبيرة شوي لانها مع القلي بصغر حجمها و بوعاء غميق برشها ملح كمية منيحة و بكون غليت مي و بصبها فيها وبتركها شي ربع ساعة بعدي بصفيها من المي
بمقلى عميق ويفضل اله غطاء بحط زيت قلي و بضيف شوي كركم و بهار السمنة مع الزيت لحد ما يسخن ..ببلش بالزهرة ومعروف انه الزيت رح يعشق من طعمها لهيك بقليها اول وبعدين الدجاج حتى يكتسب نكهة منها .. بعدين الزهرة برفعها على جنب لما تكون تحمرت و الدجاج لازم يكسب لون غامق لانه رح ارجع اسلقه و يبهت لونه شوي
بكون بطنجرة تانية سخنت مي وقت الدجاج ما بكون لسه بنقلى ووقت ما يجهز بحطه بالمي و شوي رح تطلع فورة بنشيلها كلها و بعدين بحط ملح و عيدان قرفة وهيل وكبش قرنفل مع الغلوة هيك ليستوي الدجاج وبنتاكد بطرف شوكة بنغزها بالصدر لانه هو بحتاج وقت اكتر من الفخدة ليستوي
بنرتب الزهر بقاع طنجرة و الدجاج معها و رز منقوع بمي دافية نص ساعة بنصفيه من المي بنزيد عيار الملح تبعه ومعلقة بهارات صغيرة مشكلة و قرفة وفلفل اسود كركم وهيل وبهار السمنة عادة كاستين رز مصري مخلوط يكاسة واحدة بسمتي و بديره فوق الزهرة او فيكم تضيفو البهارات مع المرقة بعد ما نصفيها من المطيبات و بهدوء بنديرها على الرز لحتى ما يخرب الترتيب ..في ناس بتحط صحن على الوجه لحتى ما يطيش شي انا ما بحط .. هلا بس لتغلي المي بنسكر الطنحرة لوقت تبلش تنشف نتركها على نار هادية لحد الاستواء تترك 5 دقايق قبل القلب و بطبق كبير تقلب نتركها شوي و بعدين بهدوء نرفع الطنجرة و تنزين بالمكسرات و الف صحة وهنا
