لطريقة .. بتجيبي فخاد جاج بتغسليهن وبتحطيهن ع الغاز وبس يفورو فورتين وبتشيلي الرغوة منهن
وبضيفي للمرقة قرفة وهيل وورق غار وبهارت اللحمة وبس تستوي اللحمة بتشيليهن
من المي وبتحطيهن بصينية وبتجيبي صفار البيض بتحليه بقلب كاسة مي .وبتدهني الجاج فيه وبتحطيهن بالفرن ليحمرو
بتكوني ناقعة رز
. بتقلي بصلة بقلب الطنجرة وبضيفي عليها مرقة الجاج بعد ما تصفيها من الهيل والقرفة
بتحطي للمرقة ماجي وبهارات المندي وبس يغلو بتحطي الرز وبتتركي لينشف شوي بتحمي
فحمات واذا عندك زبدية او كاسة حرارية حطيها بنص الرزات وحطي فيها زيت بلدي وبتحطي فوق
الرزات كاسة مي بقلبا صفار البيض منشان يتلون الرز واخر شي بتحطي الفحمات بقلب الزبداية وبتغطيهن بسرعة منشان ماتروح الدخنة
وظل بقلب الطنجرة واذا عندك بشكر مطبخ غطي الطنجرة فيه لتحبس
الدخنة وبعد شي 10 دقايق بتشيلي الفحمات
وبتحركي الرزات شوي لتخطلت الرزة البيضة مع الملونة وبتسكبيهن بصينية وبتحطي فوقهن الجاج وصحة وهنا انشاء الله
