من زينب العلي
#مكدوس_سوري بتجيبي بتنجان اسود او فاتح يلي هو الحمصي بيقولو وبتحطي طنجرة عالنار لتبلش تغلي بتسقطي البيتنجان متل ما هو بالطنجرة فوق المي وبتكبسيون شوي لان بيفوش لفوق بس تحسي ستوا مش يهتري يستوي سواء عادي بتشيلي من المي وبتشيلي عنو القمع الاخضر وبتجرحي البتنجان من بطنا وبتحطي ملح خشن وبتصفين بمصفاية وبتحطي قماشة فوقون وصينية تدخل بالمصفاية وبتحطي شي تقيل علين وبتتركين لتاني يوم بتقلبين وبترجعي بتحطي التقل علين كمان يوم كامل لازم ما يبقا فين ولا شوية مي لان بيحمضو ...هلا بتشيلين وبتصفين بصينية وبتتركين يتهوو شوي لينشغو منيح .#الحشوة جوز مدقوق وفليفلة حمرا ناعمة او دبس فليفلة يلي بتحبي وسنين توم ناعمين وانا بفضلو بلا توم وبحشين وبحطن بمرطبان وبحط زيت الزيتون علين بس مابعبي الزيت للتم لان بتتركي لتاني يوم حاطة صحن عالمرطبان بيصير يطوف الزيت لفوق وتاني يوم بتسكري منيح وبتتركي كم وفي ناس بتحبو تاني يوم وصحتين
