من ام يوسف
اوﻻ..السمك بيتنضف وبيتبل بالخلطة(بهارات سمك وكزبرة باودر وملح وفلفل ونتفة كمون وعصير ليمون وشوية كاري...بنتبلو قبل بيوم لو فاضيين .....بنقلي بصل جوانح ونتركو عجنب...بنحط بمقلاية بصل تاني مفروم مكعبات خشنة ومن غير زيت ..بنحط عليه شوية مية ونتركو يتذبل ويستوي وبس تنشف المية بنحط شوية زيت وملح وفلفل ولومي باودر...بنقلبهم سوا وبنطفي تحتهم ونحطهم عجنب...بهالفترة بنكون نقعنا الرز...وفرمنا شبت وكزبرة ونخليهم عجنب...بنحط بطنجرة البصل الجوانح المقلي وعليه ملح وفلفل وبهارات سمك وشوية كاري وشوية كزبرة ناشفة ونوخد شوية من الكزبرة الطازة والشبت وعليهم مية سخنة ونغليهم سوا...لو عندك روس سمك زيادة ممكن تغليهم بيعطي نكهة اقوى...بعد مايصير لون المرقة غامق بنصفيها..ونحط عليها شوية لومي والرز ونطخو عادي...بعد مايستوي بنضيفلو الكزبرة والشبت ونقلب عالخفيف...
بنقلي السمك بعد رشه بالطحين...او بتشويه بالفرن بنفس التتبيلة...وويقدم...وبألف هنا
