من ام يوسف
كيلو لحم مقطع شرائح رفيعة جداً ( افضل لحمة للشاورما من الكتف و لو في شحم ممكن نقطع 100 ج مع اللحم .. بيعطي نكهة و الطعم متل اللي بالمحلات)
التتبيلة: م ص ملح، فلفل اسود، قرفة ناعمة، سماق، بهارات الشاورما، بصل بودر، توم بودر و برش حامض، 1/2 فنجان عصير حامض، 3 م ك خل و بهارات صحيحة: قرفة و هيل و ورق غار..منتبل اللحمة و ع البراد ليلة كاملة..
في مقلاية منسخن 4 م ك زيت زيتون و منصفي اللحمة من التتبيلة و منشوح اللحمة ع نار عالي الاول حتى تآخذ اللون و بعدين منوطي النار و منغطيها و منتركها تنضج .. بس يستوي منشيلها ع الجنب و بنفس المقلاية منضيف 2 م ك زيت زيتون و بصلة مقطع شرائح رفيعة و فلفل ملون مقطع شرائح و منذبلهن خفيف و منرفعه من ع النار و منضيف كسبرة و بقدونس و نعناع مفروم ناعم .. النعناع كتير طيب بيزيل زناخة اللحمة قدموها مع خبز صاج و كريمة التوم و بالعافية
