المكمورة :
يقطع بصل كمية منيحة متل المسخن ويقلى بزيت زيتون وزيت قلي كمية وافرة ويضع عليه الفلفل الاسود والهيل والملح والدجاج الني ممكن سلقه شوي صغيرة ويقلب مع بعض عالنار ربع ساعة واخر شي نضع سماق ويترك جانبا ليبرد
هلا عمل العجين يعجن طحين ابيض واسمر لكل 3 ابيض كاس واحد اسمر ونضع رشه ملح ورشه صغيرة كمون وهيل بدون خميرة وتعجن متل عجينة الشيشبرك يعني شديدة شوي مش متل المعجنات هلا نحضر صينية وندهنها زيت ونقطع العجين اقراص ونتركها بالصينية مغطاه ترتاح نص ساعة ليسهل فردها هلا بنجيب صينية تانيه بندهنها زيت وبنجيب قطعة عجين بنفردها بالشبوبك لتصير رقيقة ونضعها اسفل الصينية ونرش عليها من البصل والزيت هلا تاني طبقة نفس الشي لكن نضع قطعتين دجاج وهلا طبقة تالته ورابعة وهيك حتى ينتهي العجين نغطي الصينية بورق فويل وتضعها بالفرن على الرف الوسط ونار هادئة مدة ساعتين مع مراعاة لف الصينية كل نص ساعة وهلا بعد الساعتين نرفع الفويل يكون الوجه اشقر نقلبها في سدر اكبر وتقطع مثلثات وصحتين وهنا
