من غادة جبقجي.
اسهل طريقة واطيب طريقة واسرع طريقة والاهم من هيك بدون زنخة
اولا جيبي كيلوا قلوبات دجاج اغسليهم وحطيهم بالمصفاية وبعدا قطعيهم قطع صغيرة اذا للصندويش واكبر شوي اذا بدك تقدميهم بطبق
نفرم بصلتين كبار ناعم وانا فرمتهم بالمكسر وبعدا اقليهم بزيت المازولا وبس دبل البصل نضع حبتين فليفلة خضرا وحبتين فليفلة حمرا تكون مفرومة ناعم ونقلبها مع البصل دقيقة وبعدا نضع القلوبات وفوقا بندورتين وسط ..البندورة نقسمها لاربع ارباع قطع كبيرة يعني ونضع ملعقة صغيرة بهار ورشة فليفلة حمرا وملح حسب الرغبة وحركيهم وغطي الطنجرة وكل شوي حركيهم وبعدا اكشفي الغطاء لحتى تتسبك شوي وصحة وهنا
ملاحظة البندورة بتكون انعصرت معا واخدنا الطعم لزة حموضة بس وبعدا منسحبا ومنكبا او اذا اكلناها ما في مشكلة
طريقة تقديم الصندويش
ممكن عالسخانة تسخني الصمن وبعدا تحطي القلوبات وفوقا شرايح بندورة ومخلل وعصرة صغيرة ليمونة اذا بدك
وممكن تحطي القلوبات بالصمن وبعدا تحطين عالسخانة وبس احمر لون الصمن منطالعن ومنحط فوقن بندورة ومخلل ولكي الاختيار ومع كاسة لبن عيران ياسلااام مع تحياتي غادة جبقجي
لا تنسونا من دعواتكم
