غادة جبقجي
اولا اطبخي نصف كاسة رز عالنار لبين ما يستوي الرز ومعلش اذا انخبص وبس استوى حطيلوا ملعقة توم صغيرة وملعقة نعناع كبيرة ورشة ملح
ثانيا جيبي سطل اللبن 2كيلوا لبن غنم طبعا وفضيه بطنجرة وحطيلوا بيضة واخفقيه بايدك بالمشبك عالبارد وبس انخفق منيح حطيه عالنار مع استمرارية التحريك لبين ما يبدأ يغلي حطي الرز المطبوخ فوقو وحطي كمان ملعقة توم وملعقة نعناع وملعقة كبيرة سمنة
وحطي كاسة مي او اكتر حسب اللبن وسماكتو وحركيه وخليه عالنار يغلي غلوتين تلاتة لبين ما يتمازج الرز مع اللبن واطفي النار وصحة وهنا .
طريقة الكبة
ناخد كيلوا برغل ومنديرو عالماكينة 3مرات مع بصلة صغيرة ومنحطلا ربع كيلوا هبرة ومنعجنا بايدنا ومنحطلا ملح حسب الرغبة ومن ثم نحشيها لحمة ناعمة مقلية ولها ملح وبهار وقلوبات ومنعملا دراويش عالايد هية نفس الكبة المقلية الدراويش ومنقليها بزيت غزير وتصفى من الزيت على ورق محارم المطبخ وعند التقديم نضعها داخل اللبنية وصحة وهنا
..ملاحظة اللبنية اصولا بلحمة شقف منسلقا لحالا وانا باخد مية السلق بطبخ فيها الرز وبحط كاستين مرق اللحم باللبنية وبحط اللحمة معن وطبعا بنفس الطريقة اللي كتبتا فوق..
والكبة بتكون مألوزة او مدورة وممكن فاضية وممكن محشية وبتكون صغيرة ومسلوقة بالمي المغلية دقيقتين ومنطالعها عالمصفاة ..ولكم الخيار بس هي كتير طيبة وصحة وهنا سلفا غادة جبقجي
