مسخن فلسطيني من اروع الاطباق فعليا ....
الطريقة اللي انا بستخدمها كالتالي طبعا ممكن ينعمل باكتر من طريقة حسب الذةق وحسب شو بنفضل ..
اول شي بنقطع الجاج او بيكون مقطع جاهز بنخزقو شوي بسكين وبنغسلو كويس وبنبهرو كالعادة حسب ما بتعملو الجاج بعدين الكم حرية الخيار اما بتسلوق او بتشوه انا بفضل الشوي بيعزز النكهات
اكتر..
حطيت بصينية الفرن شرحات بصل وزيت وورق غار وهيل حب وعيدان قرفة وفلفل اسود حب وورق غار وعيدان قرنفل حطيت الجاج وعليه بهارات مشكلة وملح كنية منيحة وبحطو فوق البهار والبصل وبضيفلو كوب او كوبين مية مغلية حسب ازا بدنا نستخدم المرقة تاعتو او لا وعلى عدد القطع وبحط مكعبين ماجي اختياري وبغلفو بقصدير وبدخلو الفرن ليستوي ..
بهالاثناء بفرم كمية بصل منيحة انا ل8 ارغفة كبار فرمت 4 كيلو بصل فرم خشن وبحطو عالنار وبحط عليه زيت زيتون تقريبا غمرتو الا شوي مع ملح ورشة فلفل اسود بسيطة وبتركو عالنار ينطبخ لحتى يدبل ما يدوب كتير وبطفي النار انا بس استوى الجاج اخدت شوي من مرقتو ضفتها فوق خليط البصل عشان اخفف شوي من حدة الزيت بجيب رغيف الخبز بغطسو بخليط البصل والزيت وبعصرو منيح وبحطو بالسدر وبحط عليه من البصل كمية منيحة وبرش سماق فوقو برضو كمية كويسة ولوز محمص وبدخلو الفرن يتحمر وبكرر الخطوة بكل الارغفة ...انا هون بس استوى الجاج حطيتو بصينية لحال لانو كانت كمية كبيرة وحطيت عليه من زيت البصل ورشيت سماق وحمرتو وبس جهز خبز المسخن حطيتو الوجه ...في ناس بيحطو الجاج على اخر رغيف من فوق وبيحمروه معاه برضو حسب كيف الواحد بيفضل
بثينة
