لطريقة ..
اول شي الجاج .بقطعو وبفركو بطحين وخل وملح وبعدين بغسلو وبخزقو وبحطو بجاط في مية وملح كمية منيحة وعصير ليمون وخل وبتركو ساعتين او اكتر وبعدين بحط عليه زيت زيتون وبهار جاج وبودرة زعفران او كركم ورشة قرفة ورشة هيل وملح وبتركو ساعة ...
بنقع رز حبة طويلة نص ساعة وبهالوقت بحط عالنار زبت وبصل مفروم ناعم مه رشة ملح وبتركو ليشقر شوي وبعدها بحط عود قرفة وفلفل اسود حب وعيدان قرنفل ولومي وهيل حب وورق غار وبحمصهم مع البصل لتطلع ريحتهم وبعدها بضيف فلفل حار او حلو وبندورة مقطعة ناعم وبحط الخلطة بجاط بايركيس او صينية فرن والرز وبحط عليه مية مغلية مع مكعب ماجي ورشة ملح وبحط الجاج على شبك فوق الصينية وبغلفها بقصدير وبدخلها فرن حامي مسبقا وممكن بدل الشبك بنحط على الصينية ورق قصدير بنخزقو وفوقو الجاج وبرضو بغلفو بس بدون ما اخزق القصدير اللي عليه ..
وبتركها بالفرن وبيكون مشغل من فوق ومن تحت بدو تقريبا ساعة وربع او ساعة ونص ..اخر ربع ساعة بنكشف القصدير وبنحمر الجاج ..وبنولع فحمة عالنار وبنحطها بقصديىة على الرز والجاج ونقطة زيت زيتون وبغطيها عشر دقايق تاخد الطعم وبقدمها
