من Bisan Basheer Afana
كاساديا :
دجاج مقطع قطع صغيرة يضع بقلاية ع النار لتنشف ميته يضاف عليه زيت و بصل مقطع صغير وتقلب ليدبل ان حبيتي ضيفي فلفل مقطع ملون .. وبهريه بملح وفلفل وبهارات دجاج وبابريكا حارة وشوية صويا صوص أو شويت تشيلي صوص رشة خفيفة وبس يستوي طفى عليهم النار. جيبي خبز تورتيلا ادهنيه مايونيز أو ساور كريم.. و خس مفروم خفيف لو حبيتي انا قدمته ع جنب .. وضيفي عليهم بندورة مقطعة مكعبات وكمية من الدجاج و جبنة موزاريلا وتشيدر مبشورو وقفليه ع شكل نص دائرة وبالشواية الكهربية لتسيح الجبنة.. يقدم بجانبه ساور كريم مخلوط بلبنة .. وأفوكادو لكن ما كان متوفر عندي حطيت خس مقطع.. وبندورة مقطعة مكعبات مع فلفل وبصل أخضر ورشة ملح ورشة فلفل أسود .. وممكن بطاطا
فطيرة الدجاج بالدرة :
دجاج قطعيه مكعبات .. وبصل قطعيه صغير دبليه بشوية زيت ع النار ضيفي عليه ثوم مفروم بعدها مشروم وبعدها ضيفي الدجاج والذرة وملح وفلفل أسود وحركي ليستوي الدجاج باخر شي بتضيفي شوية صغيرة صويا صوص او كريمة طبخ لو ما بتحبي الصويا.. وادهني خبز تورتيلا بالزيت واحشي الدجاج وطبقيه ع شكل مربع وبقلاية تيفال ع الوجهين لحد ما يتحمر
خبز التورتيلا :
كاسين طحين .. وملعقة كبيرة زبدة مسيحة أو زيت .. وملعقة صغيرة ملح ونص ملعقة كبيرة سكر .. وملعقة صغيرة بيكنج بودر... بتنخليهم سوا .. وبتضيفي الزبدة وبتعجنيهم بمية دافية تقريبا تلت ارباع كاس حسب نوع الطحين لما تتشكل عند عجينة طرية .. بتغطيها وبتتركيها شوي لترتاح بعدها بتقطعيها كور صغيرة وبترقيها رقيق وبتخبزيها بصينية تيفال ع الوجهين .. وكل وحدة بتخلصيها غطيها بمنشفة مشان ما ينشف ويضل طري .. فيكي اضافة انك ممكن تحطي بيضة صغيرة ع العجينة وممكن بلاها حسب ما بتحبي .. مش دايما بحط بيض .. هاي بتعطي كمية صغيرة فيكي تضاعفي الكمية بس بتزودي الزيت لتلات او اربع ملاعق
