مخشي كوسا بلبن
ومطبوخ بطريقه صحيه بعيداًعن القلي
الطريقة ؛؛
الحشوة عبارة عن لحمة مفرومة بنقلبها مع بصل وتوم وملعقه زيت زيتون وبنضيف الملح والبهارات بهار حلو وفلفل اسود وكركم .... وبضيف برش جزرتين وبكون عامله نص كاسه ارز مصري مفلفل ( او اذا في ارز ابيض من قبل بيوم بيزبط كمان ) بضيفها على الحشوه بس تجهز وبطفي تحتها بتركها تبرد وبنضيف اللوز المقلي او الصنوبر
بنحفر الكوسا وبنكون ناقعينو بمي بارده وملح ... بنصفي من المي .. وبنحشي باللحمة الي حضرناها والحشوة بتكون للاخر مابنترك فراغ ابدا..بعدين المفروض الكوسا تنقلى بالزيت من الجهتين عشان نحمرها ..بس انا صارلي من زمان بشويها شوي بالفرن وبتطلع النتيجة نفسها بس اخف عالمعدة وصحية اكتر ..بس صفوا الكوسيات على صينية وادهنوهم زيت بالفرشاية من الجهتين ودخلوهم الفرن في الوسط وشغلوا الشواية وبس يتحمر بنقلبه وبنحمر الجهة التانية
في هذه الاثناء بنحضر اللبن .. انا عملته بهاي الطريقه ( .كاسه لبن زبادي مع معلقة نشا وكاسه لبن جميد ) خلطهم مع بعض
وبتقدرو تعملو بلبن زبادي ( كيلو لبن زبادي وبيضه وملعقه نشا )
...بنخلط اللبن في الخلاط منيح وبنحطه بالطنجرة على النار وبنضيف مي تقريبا نص كمية اللبن او اكثر شوي وبنحط ملح حسب الذوق وبنحرك عبين ما يبدا يغلي بنضيف الكوسيات الي حمرناهم وبنوطي عليه وبنتركه يغلي حوالي ربع ساعة ..اخر شي بندقله توم يعني سنين او تلاتة مع نعناع ناشف وبنضيفهم عاللبن وبنتركهم يغلو دقيقتين وبنطفي وبتكون جهزت الطبخة
ممكن نقدمها مع ارز بشعيريه او من حالها حسب الرغبه ...
هالطريقه طيبه كتير وانا بعملها من سنين جربوها وادعولي
