خلطة التيركي
بننقعه بخل وليمون اول لمدة نص ساعة
بعدها بحط خمس ملاعق طحين وملح وبهارات وهيل مطحون شوي بس وزيت ولبن و وزنجييل وقرفة وعصير ليمون وشوية عصير برتقال تقريبا معلقتين بخلطهم مع بعض كتير منيح وبنقع التيركي فيهم وطبعا من جوا التيركي كمان بذهنه وبخليه لتأني يوم طبعا جهة الصدر بتكون لتحت لما ننقعه وكل اربع ساعات حاولي تقلبيه
هسا وقت بدك تحطي بالفرن يا اما بتحشيه اولا بكيفك طبعا وعلشان يطّلع معانا طري اتبعي هاي الخطوات
حطي التيركي في كيس حراري وحطي الخضار والتيركي علا فوقهم من جهة الصدر وحطي نص كوب مي او شوربة وسكري الكيس واربطيه حطي التيركي بالصينية طبعا خلي جهة الصدر تكون لتحت واعملي فتحتين بالسكين للكيس وحطيه بالفرن علا حرارة 180 c
وطبعا حسب الوزن بتوقتيله هسا قبل ليجهز بساعة بتقلبي التيركي بيصير جهة الصدر لفوق وكل السوائل تجمعت فيه وهاد اللي بدنا أباه لنحصل علا تيركي كتير طري وناعم بعدها بتفتحي الكيس وبتدهنيه بزيت قلي او درة مخلوط مع بابريكا وشوية كركرم وبدك تعملي هالخطوة تلات مرات كل 20 دقيقة ويهيك بتحمر وبيطلع لونه بيجنن ... علشان تختبريه حطي عود أسنان باعلا الفخدة اضغطي ادا نزل بس مي معناها ناضج ادا نزل اشي لونه علا زهري فاتح معناها بده كمان ... والخطوة المهمة انه بعد ما يجهز لا تعملي اي شق فيه بالسكين لأنك بهيك راح تخسري الطراوة بدك تتركيه لنص ساعة برة وبعدها بنبلش بالأكل وألف صحة وهنا
